Ég er latur bloggari

Enda komið sumar svo það er engin ástæðia til að hanga inni yfir tölvunni. Evrovision kom og fór. Ég og krakkarnir sáttum spennt og horfðum á fimmtudaginn. Veðmál í gangi og allur pakkinn.  Við Smári höfðum svo party fyrir 2 á laugardaginn. Pöntuðum okkur pitsu og fengum okkur ís og kósý bara yfir öllu trallinu.

Skólinn er að verða búin hjá stubbnum mínum.  Hann er að verða freeekar spenntu að komast í frí. Búin að fá nóg að skólanum í bili. Svo er nátúrulega verið að telja niður í Smábæjarleika!

Búin að rótast meira í garðinum. Já ég er hætt að kötta niður tré.  Kona nokkur spurði mig hvort ég væri orðin galin!!

Anna hress og kát að vanda.   Fannar alltaf að vinna fyrir sunnan. Kemur heim um helgar, í ca sólahring í senn  ennn það er betra en ekkert.

Á laugardaginn næst komandi klukkan 13:00 hætti ég að vera 20 og eitthvað. Jebb Stelpan er að verða 30!!! Hard to belive!!  Af því tilefni verður hellt á könnuna og kannski verður eitthvað gott til með kaffinu!!  Hvur veit. Allavega ég ætla ekki að bjóða neinum. En öllum frjálst að líta við.

 

                                                                                                                            Líf&Fjör

Hellúúú....

Þessi vitleysingur á afmæli í dag!!! Alveg 30 ára múhahahaha. Er reyndar engin vittleysingur þessi elska. Til hamingju með daginn Árný mín. Mí lov jú long tææææææm .

Sumardagurinn 1. á morgunn. Til hamingju með það, og takk fyrir veturinn. Dagskrá morgunndagsins byrjar kl 11. Förum í barna og unglinga messu þar sem Anna Guðbjörg og auðvitað fleiri krakkar úr leikskólanum ætla að syngja.

Svo er að skutla köku á kökubasar Hvatar á réttan stað milli 12 og 13 held ég. Sumarskemmtun grunnskólans kl 14. Smári stígur þar á stokk með bekknum sínum. Þau eeru búin að vera að æfa leikrit. Verður gaman að sjá það.

Fannar er alltaf að duggu duggast á suðurhorni landsins. Eða svo segir hann  þannig að við erum bara ein í kotinu.

Ég er búin að vera eitthvað ferlega meir undan farið. Voða mikið hugsi eitthvað. Stressuð, kvíðin, svefnlaus, áhyggjufull, örg og pirruð. Ennnn bráðum kemur betri tíð með blóm í haga. Er haggi! Ég er alltaf að komast betur að því hvað ég á góða að. Þið eruð yndisleg. Takk fyrir að vera til. Taki það til sín sem eiga það.

Líf&Fjör

Eurovision

Svei mér þá ef þetta sleppur ekki hjá þeim ... skemmtilega hallærislegt

http://www.nova.is/Pages/forsida.aspx

Ég er ekki frá því...

að karla raksápa sé betri en konu. Var í sturtu sem er ekki ekki frásögu færandi, og var að rembast við að raka á mér legina ... sem er frásögu færandi . Nema hvað froðukvoðan mín kláraðist. Nú voru góð ráð dýr. Ekki gat ég hugsað mér að hafa annann leggin hálf loðinn en hinn kafloðinn, svo ég skrönglaðist út út sturtunni til að gá hvort Fannar ætti ekki froðukvoðu. Jú mikið rétt meira að segja 2 brúsa (eru þetta ekki annars brúsar) Svo að ég hnupplaði öðrum þeirra. Sorry ástin mín, en þú bara notar þetta aldrei, og mín var búin  Skjögraði aftur í sturtuna og kláraði raksturinn. Má eiginlega segja að ég ilmi eins og nýrakaður karlmanms kjálki! En ég segi það satt, ég er bara ekki frá því að stolna kvoðan sé betri en dömu fladí flah.

Annars er ég búin að vera hálf öfugsnúin í dag. Lítill frændi minn mjög veikur. Reyndar svo veikur að það var tvísýnt um hann síðastliðna nótt. Litla skinnið. Hugur minn er allur hjá honum. Vona það besta.

Líf&fjör

murffff

Ég er örg og reið og pirruð og sár! Sumt fólk er bara ekki hægt! Urrrr

Annars er allt að komast í eðlilegt horf í kofanum. Sýningarnar búnar, orðin úthvíld. Og þá tekur eirðarleysið við. Vanntar eitthvað að geeeera. Krakkarnir eru annars sátt við að mamman sé hætt þessu. Þá aðalega yngra eintakið.

Fannar er farin suður að vinna í einhvern tíma. Fór í gær. Minns ætlaði aldrei að geta sofna svona aaaaalein. Sussubíja hvað maður getur verið ímyndunarveikur þegar maður er búin að slökkva ljósin. SHITÍ BOY.´

Hreyft við belgnum hjá Hófý systir í dag. Bíð spennt eftir fréttum. Vona að þetta fari að bresta á hjá henni. Hennar vegna.

Líf&Fjör    Farin að gera eitthvað..... eða reyna það

Að búa til barn!!

 

  

Það er ekki eitt einasta dónaorð í þessu og þetta er mjög fyndið. Jónas og frú gátu ekki eignast barn svo þau ákváðu að fá sæðisgjafa til að koma af starta fjölskyldu. Daginn sem "sæðisgjafinn" átti að koma í heimsókn, kyssti Jónas konuna sína  bless og sagði "jæja, elskan, ég er þá farinn í vinnuna, maðurinn kemur fljótlega."

Hálf tíma síðar, er fyrir tilviljun, barnaljósmyndari, staddur í hverfinu hennar og hringir á bjöllunni í þeirri vona að fá verkefni.  Góðan daginn frú, sagði hann, ég er komin til að....... "Ó, þú þarft ekkert að útskýra sagði Jóna feimnislega, ég átti von á þér.  Í alvöru, sagði ljósmyndarinn. Nú það er ánægjuleg, vissirðu að börn eru mín sérgrein??    Ja, það er nú akkúrat það sem við hjónin vorum að vonast eftir.  Gjörðu svo vel og komdu inn ogfáðu þér sæti.  Eftir smástund sagði hún, vandræðalega, "hvar byrjum við?"   "Láttu mig bara sjá um allt.  Ég byrja yfirleitt  í baðkarinu, svo á sófanum og loks nokkrar á rúminu.  Stundum er meira að segja stofugólfið heppilegast, það er hægt að teygja svo vel úr sér það ""Baðkarið, stofugólfið, hugsaði Jóna,  Engin undra að þetta gekk ekkert hjá okkur hjónum -   "Já, frú mín góð, ég get ekki lofað fullkomnum árangri í hvert skipti, en ef við notum mismunandi stellingar og ég skýt frá mismunandi sjónarhornum, þá þori ég að lofa að þú verður ánægð með útkomuna."  Vá, það er aldeilis mikið sagði Jóna með andköfum.  "Frú mín góð, í mínu starfi verður maður að gefa sér góðan tíma í hlutina. Ég mundi gjarnan vilja skjótast í þetta en ég er viss um að þú yrðir ekki ánægð með útkomuna. "Ætli maður kannist ekki við svoleiðis, tautað Jóna lágt". Ljósmyndarinn dró upp nokkur sýnishorn af barnamyndum og benti Jónu á árangurinn."Mér tókst sérstaklega vel til með þessa tvíbura sagði ljósmyndarinn, eins og mamma þeirra var þó erfið".  -  "Var hún erfið, spurði Jóna ?" "´Ég er nú hræddur um það. Ég varð að fara með hana í lystigarðinn til að ná að ljúka verkinu vel.  Fólk safnaðist að og fylgdist með. "Fylgdist með? sagði Jóna og gapti af undrun" - og þetta tók í allt 3 tíma. Móðirin hrópandi og kallandi allan tímann - ég gat varla einbeitt mér, svo þegar það byrjaði að dimma varð ég að gefa í, en það var ekki fyrr en  íkornarnir voru farnir að narta í græjurnar þá varð ég að hætta og ganga frá.Jóna hallaði sér fram og sagði "voru þeir í alvöru farnir að narta í .... græjurnar?  Þetta er alveg satt frú mín góð.  "Jæja ef þú ert tilbúin þá ætla ég að gera þrífótinn klárann "ÞRÍFÓTINN???"Ó já, frú Jóna. ÉG verð að nota þrífót "to put my Canon on, It's much too big to be held in the hand very long." 

ÞAÐ STEINLEIÐ YFIR FRÚ JÓNU.

Jæja sagð´ann...

... þegar hann vaknaði. Frumsýning og 2. sýning búnar.  Frumsýningin gekk stórslysalaus, annað hægt að segja um 2. sýningu  Sumir segja að 2. sýning sé verst. Vona að það sé rétt. Æfing í kvöld. Frumsýningarpartýið já... eigum við að ræða það eitthvað ..... nei ég hélt ekki.  Nei það var mjög gaman að sletta að eins úr klaufunum. Mikið grín mikið gaman.

Stelpurnar eru að fara til L. (Bannað að segja the L word) Fara suður á MORGUNN foj. Væri ekkert smá til með að vera að fara með þeim, en svona er þetta bara. Kem bara með næst!

Við erum búin að borga síðustu útborgunina af húsinu.  Bara góð tilfinning. Verður enþá betri tilfinning þegar við erum búin að grafa okkur uppúr ógreiddum skuldahaug, ójá.

Vetrarfríið er að verða búið, og allt sem ég ætlaði að gera í fríinum er ekki farið að gerast en,hmmm. Kemur í ljós hvað ég nenni að gera í dag og á morgunn af því. Það er ekki eins og þessi verk séu að fara eitthvað.

That´s all folks                         Líf&Fjör

Hey já eitt en. Gaman væri nú ef laumulesararnir færu að gefa sig fram. Ég er óskaplega forvitin að eðlisfari.!!

Generalprufa...

í kvöld. Frumsýning á morgunn. Vúbídú   Vona svo heit og innilega að það eigi allt eftir að ganga upp. Komið nett stress í kellu, en er það ekki bara tilheyrandi? Allavega sama hevernig þetta fer þá er þetta búin að vera góður tími.

                                                                                     Líf&Fjör

Þá er komið að því

Tveir tvöfaldir
Frá Leikfélagi Blönduóss
Næst komandi föstudagskvöld frumsýnir Leikfélag Blönduóss gamanleikinn “Tveir tvöfaldir” eftir Ray Cooney í þýðingu Árna Ibsen. Leikstjóri er Ingrid Jónsdóttir og þetta er í annað skipti sem hún leikstýrir á Blönduósi. Leikarar eru átta talsins en að sýningunni koma í kring um tuttugu manns. Leikritið er fjörugur farsi sem fjallar um alþingismanninn Orm Karlsson, eiginkonu hans Pálínu og aðstoðarmanninn Hrein. Inn í þetta fléttast hjákonan Ásthildur, kínverski þjónninn Sjú-Lí, Doddi, María og síðast en ekki síst hótelstjórinn á Hótel Höll þar sem þetta gerist nú allt saman. Óhætt er að lofa skemmtilegri kvöldstund en miðaverð er kr. 2.500  og 2.000 fyrir öryrkja, ellilífeyrisþega og börn 12 ára og yngri. Frumsýningin hefst kl. 20.00 en næsta sýning er sunnudaginn 9. mars kl. 16.00.  Aðrar sýningar auglýstar fljótlega.

Þessi auglýsing er tekin af huni.is

                                                                        LÍF&FJÖR

Kanelsnúðar

Ég áhvað að setja hérna inn kanelsnúða uppskriftina mína. Sumir hafa verið að suða um hana. Ég fékk hana hjá Sigrúnu í Saurbæ. Það er bæði hægt að nota þessa uppskrift í kanelsnúða og líka vínarbrauð.

500 gr hveiti

125 gr smjörlíki   (linnt)

150 gr sykur

2 tsk lyftiduft

1 tsk hjartasalt

2 tsk kardimommudropar

1 egg

1 - 1 1/2 bolli súrmjólk

Ofninn stilltur á 180-200 gráður

Öllu sturtað í haug á borðið og hnoðað.  Fletja svo út deifa yfir flatninginn kanelsykri, rúlla upp. Skera rúlluna niður í bita. Skella þessu á plötu, inní ofn þar til þeir verða gylltir.  Baaaaara góðir glóðvolgir með ískaldri mjólk.

Ég geri þessa uppskrift alltaf 2falda.

                                                                                    LÍF&FJÖR